Uskrs je ono posebno doba godine kada svi mi volimo da zasučemo rukave i damo sve od sebe kako bi naš dom postao pravo malo magično mjesto ispunjeno šarenim jajima, ljepo ukrašenim kolačima i veselim bojama. Uostalom, Uskrs je nešto poput druge najave dolaska proljeća, a svi koji se unaprijed raduju proslavi najvećeg hrišćanskog praznika ne moraju da brinu – svake godine se pojavi poneka nova ideja koja svima izmami osmjeh na lice.
Učinite uskršnji vikend kod kuće nezaboravnim tako što ćete napraviti mnogo trenutaka za pamćenje – to je, za početak, najvažniji dio ovog praznika. Zašto ne biste započeli novu tradiciju, postali kreativni u projektima koji se mogu izraditi u društvu mališana, ili jednostavno probali nešto zabavno, drugačije, originalnije?
Dekorisanje doma za Uskrs donosi osjećaj svježe nade, od svjtlucavih sijalica koje čekaju da ožive na prozorskoj dasci, do ukusnih čokoladnih jaja spremnih za uživanje. Proljećni svježi vazduh u sebi nosi nova uzbuđena, iščekivanja i puno topline.
Ako volite da kitite malu jelku za Božić, onda je Uskrs još jedna odlična prilika da poboljšate svoje vještine ukrašavanja. Nema drvceta? Rasporedite nekoliko cvjetnih grančica ili običnih grana u visoku vazu ili vrč da biste ga brzo dobili. Kada je riječ o ukrasima, razmislite kreativno: šta kažete na pravljenje jaja od papira? Ili pokušajte da napravite vjenac od pompona koristeći ostatke vune. Čak i trake pastelnih boja vezane u mašne mogu da transformišu najobičniju granu. Kad smo već kod toga, posljednjih nekoliko Božića smo vidjeli viseće grane iznad stolova, obučene lišćem i ukrasima – ovo može da funkcioniše i u sezoni Uskrsa. Upletite vještačko ili svježe cvijeće i okačite nekoliko laganih jaja da bi vaš uskršnji sto izgledao nevjerovatno.
