Prije par dana pisali smo o najpopularnijem ovosezonskom ukrasu za jelku – providnim kuglicama.
Skoro jednako su popularne i providne kuglice u kojima se nalaze razni dodaci: perlice, zelenilo, razni ukrasi, pa čak i male boce pića!
Pronašli smo jedan primjer koji će se svidjeti ljubiteljima sukulenata – kuglice terarijumi. Njima možete ukrasiti jelku, ali i pokloniti je dragoj osobi/ljubitelju sukulenata.
Evo kako ih možete napraviti sami.
Šta vam je potrebno:
Prazan plastični ukras, može i stakleni
Zemlja – za sukulente ili kaktuse
Četkica i pinceta
Mali lijevak
Lopatica
Mahovina ili bilje koje može proći kroz otvor na ukrasu
Izrada
Kada pripremite sve svoje materijale, rad na svom ručno rađenom ukrasu počnite tako što ćete skinuti vrh sa vrpcom sa svog plastičnog ili staklenog ukrasa i napunite ga zemljom, pokrivši tako manje od njegove polovine. Idealno, za to koristite lopaticu i lijevak, kako ne biste napravili preveliki nered.
Potom, uzmite biljke koje ste odabrali i provucite ih s očuvanim korijenom u unutrašnjost ukrasa, a potom ih uz pomoć pincete aranžirajte kako želite i poprskajte vodom, tako da zemlja u kojoj se nalaze bude vlažna, ali ne previše mokra. Na kraju, vratite vrh sa vrpcom na njegovo mjesto i ukrasite svoju jelku.
Ako vam je ovo zahtjevno, jednostavno u kuglicu ubacite par zelenih grančica i crvenih bobica i imaćete jednako lijep ukras.
